Albisteak
Gazte laguntzaileei zuzendutako bekak emango ditu aurten ere Lazkaoko Udalak, Gobernuz Kanpoko Erakunde batekin garapeneko lankidetza ekintzetan parte hartzeko.
Lazkaoko Udalak gazteei zuzendutako diru laguntza berri bat onartu du 2018ko aurrekontuen barruan: herriko gazteak emantzipatu ahal izateko alokairurako laguntzak emango ditu. 2016 urtearen bukaeran eta 2017 urtearen hasieran herriko etxebizitzei buruzko azterketa egin zuen Lazkaoko Udalak, eta hainbat ondorio atera zituen lanketa hartatik. Ordutik, hainbat lan ildo ere zehaztu ditu, tartean alokairura bideratutako laguntza hau.
Eguraldia dela eta, hainbat obretan lanak gauzatu ezinik egon ondoren, berriro ere horietako hainbat martxan daude.
Igandean Donostian egingo den 29. Lilaton lasterketarako Lazkaoko Udalaren kamiseta eskatu zutenek udaletxean jaso dezakete dagoeneko.
Lazkaoko Udalak aisialdi zerbitzua eskainiko du aurten ere Aste Santuko oporretan. Guztira 7 egunetan eskainiko du zerbitzua: martxoaren 27, 28 eta 29an eta apirilaren 3tik 6ra. Arerian elkartuko dira egunero, 10:00etatik 13:00etara.
Lazkaoko Udalak, Azki emakumeen elkarteak, San Benito Ikastolak, Gaztelekuak, Gazte Asanbladak, Orobione elkarteak, Maizpide euskaltegiak, Gerriko kultur elkarteak, Lazkao Txiki Musika Eskolak eta hainbat herritarrek osatutako Berdintasun Batzordeak bat egin du beste behin Emakumeen Nazioarteko Egunarekin eta hainbat ekintza antolatu dituzte elkarlanean martxoaren 8aren bueltarako.
Lazkao Txiki Musika Eskolak kultur astea egingo du martxoaren 12tik 18ra bitartean. Gaur egin dute kultur astearen aurkezpena, eta bertan azaldu dituzte aurtengo kultur astearen xehetasunak.
Lazkaoko Udalak asteartean, otsailak 27, egingo du osoko bilkura, 19:00etan udaletxeko areto nagusian.
San Prudentzio jaietako helduen danborradari buruzko bilera irekia egingo da martxoaren 5ean, 19:00etan, udaletxean.
Pausoka egitasmoaren barruan, hainbat irteera berezi egiten dituzte urtean zehar. Aste honetan egin dute urteko lehena. Lazkaoko Ezarri enpresan izan dira bisitan, bertako instalakuntzak eta nola lan egiten duten ikusten.
2018ko urtealdiari dagokion Zerga eta Prezio Publikoen Egutegi Fiskalean zehazten denez, trakzio mekanikodun ibilgailuen zergaren ordainketa egiteko epea otsailaren 15etik martxoaren 30era izango da. Helbideratutako erreziboak martxoaren 8an kobratuko dira.
2018ko San Prudentzio jaietako ekintzak batuko dituen egitarauko azala aukeratzeko lehiaketa egingo du aurten Lazkaoko Udalak. Martxoaren 2ra arteko epea egongo da lanak aurkezteko.
Martxoaren 4an Donostian egingo den 29. Lilaton proban parte hartu behar duten emakume lazkaotarrei herriko irudia daraman kamiseta bat oparitu nahi die Lazkaoko Udalak.
Goazen taldeak Lazkaon egingo dituen bi emanaldietarako sarrerak agortuta daude.
Josten ikasteko ikastaroa antolatu nahi du Lazkako Udalak. Hasieran oinarrizko mailatik hasi (botoiak josi, tolesturak egin, galtza barrenak hartu…) eta maila aurreratuetako jardueretarainoko lanak egiten ikasi ahalko da (arropak birziklatzen, adibidez).
Gerriko Ikerlan Bekaren 24. liburukia aurkeztu dute Gerrikok, Maizpidek eta Lazkaoko Udalak. Gazteen sormen emozionala sustatzeko “Sentituz, izan sortzaile” esku-hartze programa jasotzen da liburukian.
Lazkaoko Udaleko Berdintasun arloak herritarrak gonbidatu nahi ditu martxoan kaleratuko den kartela osatzen parte hartzeko. Martxoaren 8a aitzakia hartuta prestatzen ari diren jardueren artean egingo da ekintza ireki hau.
Lazkaoko Udalak osoko bilkura egingo du asteartean, urtarrilak 30, 19:00etan udaletxeko batzar aretoan.
Bihar ospatuko den San Bosko egunaren atarian, Lazkaoko, Beasaingo eta Ordiziako Udaltzaingoak herri horietako ikastetxeetan izan dira aste honetan zehar, alkoholaren kontsumoari buruzko tailer bat eskaintzen.
2017ko urtealdiari dagokion Zerga eta Prezio Publikoen Egutegi Fiskalean zehazten denez, uraren gaineko tasan 3. hiruhilekoari dagokion ordainketa egiteko epea urtarrilaren 25etik martxoaren 10era izango da. Helbideratutako erreziboak otsailaren 14an kobratuko dira.
Herri baratzeetako erabiltzaile izateko hautagai onartuen eta baztertuen behin-behineko zerrenda honako lotura honetan kontsulta dezakezu: Herri Baratzeak.