• Udalak beharrezko aldaketak izapidetuko ditu hirigintza-plangintzan, eta Osasun Saila arduratuko da proiektua idazteaz aurten, 2024an.

Lazkaoko Udalak eta Eusko Jaurlaritzako Osasun Sailak iragarri dute herriko anbulatorioaren proiektuaren idazketa martxan jarriko dutela. Joan den ostegunean Lazkaon egindako bilera batean, Kepa Zubiarrain alkateak eta Jose Nestor Arana Osakidetzako Ekonomia eta Finantzako zuzendariak egungo instalazioak bisitatu zituzten, eta, ondoren, iragarri zuten osasun-zentroa birmoldatzeko proiektuaren idazketa martxan jarriko zutela, Lazkaoko egungo osasun-instalazioak handitu eta modernizatzeko.

Birmoldaketa bi fasetan egingo da: lehenengo fasean, lehendik dagoen eraikina eraitsiko da, eta hura ordeztuko da, gutxi gorabehera 800 m2-ko bi solairuko eraikin berri bat eraikiz. Bigarren fasean, berriz, handitzearekin jarraitzea aurreikusten da, aurreikusitako 1.700 metro karraturaino.

Eraikitze-aldian, anbulatorioko zerbitzuak hurbileko leku batean emango direla bermatuko da, lazkaotarrei zerbitzu medikoen jarraitutasuna bermatzeko.

Udalak beharrezko aldaketak izapidetuko ditu hirigintza-plangintzan, eta Osasun Saila arduratuko da proiektua idazteaz 2024an. Lehen faseko obrak 2025aren erdialdean hastea aurreikusten da, gauzatzeko 18 hilabeteko iraupenarekin, gutxi gorabehera.

Proiektu honek, “Udalak eta Osasun Sailak Lazkaoko osasun-azpiegiturak etengabe hobetzeko hartutako konpromisoa islatzeaz gain, etorkizuneko ikuspegia eta plangintza estrategikoa ere azpimarratzen ditu, - Kepa Zubiarrainek adierazi duenez- lazkaotar guztien onurarako”.