- Udalak gazteei lagunduko die aukeratutako lekurainoko bidaiaren gastuak ordaintzen, kontratatu beharreko bisarekin, tasekin edo istripu eta gaixotasunen aseguruarekin. Horretarako 2.500 euroko partida izango du.
Lazkaoko Udalak beka-programa bat jarri du martxan lazkaotar kooperanteentzat, herriko gazteak sentsibilizatzeko herrialde behartsuenetan garapenerako lankidetza-ekintzetan, eta gazteen artean herrien eta kulturen arteko elkartasun-kultura sustatzeko. Boluntarioen lana aitortzeko asmoz eta Lazkaon horrelako programetan parte hartzen duten hainbat gazte daudela jakinda, Udalak diru-laguntzak emango dizkie.
Laguntzak eskatzeko epea uztailaren 23an amaituko da.
Baldintzak
Beketako bat lortu ahal izateko, 20 eta 30 urte bitartean eduki behar dira, Lazkaon erroldatuta egon behar da eta Gobernuz Kanpoko Erakunde (GKE) batekin lankidetzan aritu behar da, baina ez du inolako lan-harremanik, harreman profesionalik.
Gainera, lankidetza-proiektua egingo den lekuan egon beharko da gutxienez hiru astez, istripu eta gaixotasunen aseguru-poliza bat kontratatu beharko da proiektuak irauten duen bitartean, eta Osakidetzaren osasun-gomendioak bete beharko dira (txertoak, etab.). Azkenik, boluntarioak egindako lanaren argazki-memoria bat entregatu beharko du eta etorkizunean Lazkaoko Udalean, Ikastolan eta abarretan egin daitezkeen sentsibilizazio-kanpainetan parte hartzeko konpromisoa hartu beharko du.
Udalak aukeratutako lekurainoko bidaiaren gastuak ordainduko dizkie gazteei, baita kontratatu beharreko bisa, tasak edo istripu eta gaixotasunen asegurua ere. Horretarako 2.500 euroko partida izango du.
Eskaera egiterakoan, euskaraz idatzitako lan-plan bat aurkeztu beharko da. Baita, Kurrikuluma, toki-erakunderen baten bermea eta jarduera gauzatzeko aurreikusitako gastuen aurrekontu xehatua ere: bidaia-gastuak (hegazkina, bisa, zergak), aseguru-polizaren gastuak, beste gastu batzuk (osasun-gastuak, sentsibilizazio-jardueraren antolamendu-gastuak…).
