Jardueren artean Karraka Festa 2026 izango da, ipuin-kontalari saioekin, ikasleen emanaldiekin, magia ikuskizunarekin eta Buruhandien irteerarekin batera. Halaber, Euskal Pilota Egokituko XVI. Gipuzkoako Txapelketa eta Lazkaoko III. Trikiti Jaialdia egingo dira, eta Arerian haurrentzako “Baba Yaga eta sorginkerien liburua” eta helduentzako “Marty Supreme” filmen proiekzioak eskainiko dira.
Zerbitzua Lehen Hezkuntzako 1. mailatik 6. mailara arteko ikasleei zuzenduta dago, eta Aste Santuan zehar kirol anitzeko jarduerak eskaintzen ditu, bi aldi bereizitan antolatuta: martxoaren 30etik apirilaren 1era eta apirilaren 7tik 10era, Lazkaoko Kiroldegian, 10:00etatik 12:30era bitartean. Prezioak bazkide eta bazkide ez direnentzat bereizita daude eta izena emateko epea martxoaren 15era bitarte egongo da zabalik, kiroldegiko harreran.
Hitzarmenak Lazkaoko Udaltzaingoa Eusko Jaurlaritzako Segurtasun Sailaren irrati-komunikazioen sare ofizialean integratzeko aukera ematen du. Horren bidez, Ertzaintzarekin eta larrialdi-zerbitzuekin koordinazioa hobetzen da, komunikazio seguruak bermatzen dira eta polizia-informaziorako sarbide kontrolatua errazten da, herritarren onurarako.
Zerbitzua HH3tik LH6ra bitarteko haurrei zuzenduta dago (2014 eta 2022 urteen artean jaiotakoak) eta martxoaren 30ean eta 31n, eta apirilaren 1ean, 7an, 8an, 9an eta 10ean garatuko da, 10:00etatik 13:00etara, Areria Kultur Gunean. Izena emateko epea martxoaren 15era arte egongo da zabalik, eta www.lazkao.eus webgunean eskuragarri dagoen formularioa betez (https://forms.gle/nAZGaAwQfuKNGWQP8) edo dagokion orria udal kiroldegian entregatuz egin daiteke izen-ematea.
