- Egitaraua martxoaren 16an hasi zen eta martxoaren 26an kultur zein kirol jarduerekin eta bazkari herrikoiarekin jarraituko du euskara sustatzeko.
- Boluntario gisa parte hartu nahi duten pertsonek estek honen bidez eman dezakete izena: https://docs.google.com/forms/d/e/1FAIpQLSf_fFFUx-5oBQL3dj1IykcNpt-vBnGCKvoGcypPjsr-FbUi-Q/viewform?usp=dialog.
Datorren martxoaren 28an, Lazkaok Korrika 2026 hartuko du, eta horren harira hainbat jarduera antolatu dira, hala nola musika, dantzak, jolasak eta herri bazkaria. Ospakizunak martxoaren 16an hasi ziren eta martxoaren 26an jarraituko dute, Maizpide eta Gerriko Kultur Elkarteek antolatutako 16:30ean egingo diren jolasekin.
Martxoaren 27an, 11:00etan, Korrika txikia eta Kantujira izango dira herrian zehar. 19:00etan, taloak izango dira, JTK Lazkaunek antolatuta, Jundajo Txaranga musikak girotuta. Gaualdean, 21:00etan, Sukar Taldeak emanaldia eskainiko du.
Martxoaren 28a izango da ospakizunaren egunik nagusia. 09:30ean, Lazkaoko Joaldunek hasiko dute eguna, jaiari hasiera emanez. 11:00ak inguru, Korrika Lazkaora iritsiko da eta Lazkaoko Buruhandi eta Erraldoiek eta LTMEko trikitilariek, herriko puntu ezberdinetan, harrera egingo diote. Ondoren, herriko kaleetan zehar ibiliko da. Jardunaldiak 14:30etan jarraituko du bazkari herrikoi batekin, non pintxoak, paella eta postreak eskainiko diren. Bazkarirako sarrerak martxoaren 25era arte egongo dira salgai Udaletxean. Haur, ikasle eta langabetuak 12 €-ko prezioa izango dute eta helduek 15 €-koa. Arratsaldean, 16:30ean, jolasak egongo dira Zaguperen eskutik, eta ondoren, 17:30ean, Skapai Elektrotxarangaren emanaldia. Eguna amaitzeko, 20:30etan, Zezen Suzkoak izango da Lazkaoko Antzar Konpartsak antolatuta.
Antolakuntzatik herri bazkaria aurrera eramateko boluntario gisa parte hartu nahi duten pertsonei dei egiten zaie. Interesdunak helbide honetan eskuragarri dagoen inprimakiaren bidez eman dezakete izena: https://docs.google.com/forms/d/e/1FAIpQLSf_fFFUx-5oBQL3dj1IykcNpt-vBnGCKvoGcypPjsr-FbUi-Q/viewform?usp=dialog.
Udaletik herritarrei prestatutako ekintzez gozatzera eta euskara ospatzera gonbita luzatzen diegu. Pertsona guztiek parte hartzea, bertaratuak edo boluntarioak izan, funtsezkoa da jardunaldi hau festa handi bat egiteko.
