• Zerbitzua HH3tik LH6ra bitarteko haurrei zuzenduta dago (2014 eta 2022 urteen artean jaiotakoak) eta martxoaren 30ean eta 31n, eta apirilaren 1ean, 7an, 8an, 9an eta 10ean garatuko da, 10:00etatik 13:00etara, Areria Kultur Gunean.
• Izena emateko epea martxoaren 15era arte egongo da zabalik, eta www.lazkao.eus webgunean eskuragarri dagoen formularioa betez (https://forms.gle/nAZGaAwQfuKNGWQP8) edo dagokion orria udal kiroldegian entregatuz egin daiteke izen-ematea.

Lazkaoko Udalak, Aste Santuko oporrak direla eta, aisialdi zerbitzua antolatuko du herriko haurrentzat. Programa martxoaren 30ean eta 31n, eta apirilaren 1ean, 7an, 8an, 9an eta 10ean garatuko da.

Ekimena HH3tik LH6ra bitarteko ikasleei zuzenduta dago; hau da, 2014 eta 2022 urteen artean jaiotako haurrei.

Jarduerak Areria Kultur Gunean egingo dira, 10:00etatik 13:00etara. Guztira, 60 plaza eskainiko dira.

Zerbitzuaren kostua 28,35 eurokoa izango da parte-hartzaile bakoitzeko, eta ordainketa banku-helbideratzearen bidez egingo da.

Programa honen bidez, Udalak familiei jaiegun hauetarako hezkuntza eta aisialdirako baliabide bat eskaini nahi die, gozamena eta ikaskuntza uztartuz, adin ezberdinetara egokitutako jarduera ludiko eta tailerren bidez.

Izena emateko epea gaur, martxoak 2, irekiko da eta martxoaren 15era bitarte egongo da zabalik. Interesdunek www.lazkao.eus webgunean eskuragarri dagoen inprimakia betez (https://forms.gle/nAZGaAwQfuKNGWQP8) edo dagokion orria udal kiroldegian entregatuz egin dezakete izen-ematea.