• 2014 eta 2022 urteen artean jaiotako haurrei zuzendutako zerbitzurako izen-ematea 2025eko abenduaren 1era arte egongo da zabalik, Lazkaoko Udalaren webgunean (https://labur.eus/GabonetakoAisia2025Lazkao) edo udal kiroldegian bertan.

Lazkaoko Udalak, Gabonetako oporrak hurbiltzen ari direla eta herriko familien kontziliazioa errazteko helburuarekin, herriko ikasleentzako Aisialdi Zerbitzua martxan jarriko du. Zerbitzua Arerian eskainiko da, giro ludiko eta hezitzaile batean haurrek aisialdirako jarduerak eta tailerrak partekatzeko aukera izan dezaten.

Zerbitzua 2025eko abenduaren 22, 23, 29 eta 30ean eskainiko da, goizeko 10:00etatik 13:00etara. Zerbitzu honetan eskolaurreko 3. mailatik Lehen Hezkuntzako 6. mailara bitarteko haurrek parte hartu ahal izango dute, hau da, 2014 eta 2022 urteen artean jaiotakoek.

Guztira 70 plaza egongo dira eskuragarri, eta zerbitzuaren kostua 15,70 eurokoa izango da. Ordainketa kontu korrontearen bidez egingo da.

Izena emateko, familiek 2025eko abenduaren 1era arteko epea izango dute, eta bi modu izango dituzte horretarako: Lazkaoko Udalaren webgunean eskuragarri dagoeninprimaki hau betez (https://labur.eus/GabonetakoAisia2025Lazkao) edo udal kiroldegian bertan izen-emate orria betez.

Lazkaoko Udalak interesa duten familiak Gabonetako programa honetan izena ematera animatzen ditu, oporraldian kalitatezko aisialdirako aukera bat eskaintzeko.