• AGORTUTA.

• Lazkaon erroldatutako pertsonek Mari eta Basajaunek osatutako bikote bat erreserbatu ahal izango dute gaur, azaroaren 21a, 12:00etatik aurrera, eta azaroaren 27ra arte, Udalaren webgunearen  eskuragarri dagoen inprimakia betez (https://labur.eus/MARIetaBASAJAUN) edo Udaletxean bertan. Bikotea azaroaren 30ean jaso ahal izango dute, 11:00etatik 13:00etara.

AGORTUTA.

Lazkaoko Udalak, konpartsarekin elkarlanean, gomaz egindako Mari eta Basajaun erraldoien miniaturazko 150 irudiz osatutako edizio mugatua kaleratuko du. Irudi hauek haurrentzat zein bildumazaleentzat pentsatuta daude, tokiko kultura eta tradizioak udalerriko etxe guztietara hurbiltzeko helburuarekin.

Irudi hauen erreserba Lazkaon erroldatutako pertsonentzat soilik izango da. Familia bakoitzak Mari eta Basajaun irudiek osatutako bikote bakarra eskatu ahal izango du. Erreserba egiteko, izen-abizen osoak, NAN zenbakia eta harremanetarako telefono-zenbaki bat eman beharko dira.

Erreserba-prozesua gaur, azaroaren 21a, 12:00etatik aurrera hasi eta azaroaren 27ra arte egin ahal izango da, bi egunak barne. Bi modu egongo dira hori egiteko: Udalaren webgunean www.lazkao.eus eskuragarri egongo den formularioaren bidez (https://labur.eus/MARIetaBASAJAUN), edo Udaletxera bertaratuta eta dagokion inprimakia beteta. Erreserbak izen-ematearen hurrenkeraren arabera kudeatuko dira, eta 150 unitate erabilgarriak agortu arte onartuko dira.

Miniaturazko erraldoi bakoitzak 20 euroko prezioa du; bikoteak 40 eurokoa. 

Miniaturak azaroaren 30ean banatuko dira, 11:00etatik 13:00etara, eta erreserba behar bezala egin dutenei jakinaraziko zaie non jaso behar dituzten.

Udalak interesa duten herritarrei erreserba egiteko deia egiten die, tokiko kulturaren pieza berezia eskuratzeko.