• La Bohème opera, helduentzako Un Simple Accidente filma eta Kantuan Dantzan izenburupean abesbatzen topaketa izango dira aste honetan Lazkaoko Arerian eskainiko diren kultur proposamenak.

Lazkaon aste honetan kultur jardueren eskaintza zabala izango da, herritarren aisialdia aberasteko helburuarekin. Zinema, opera eta gazte abesbatzen topaketa izango dira asteko protagonistak, adin eta gustu guztietarako proposamenekin. Oraingo honetan ere Areria izango da ekintza guztien agertokia.

Agenda kulturala azaroaren 21ean hasiko da, ostirala, 19:00etan, “La Bohème” opera klasikoaren proiekzioarekin. Operaz gertutik gozatzeko aukera paregabea izango da, herritar ororentzat.

Zinemari dagokionez, helduei zuzendutako “Un Simple Accidente” filma izango da ikusgai ondorengo saioetan larunbatean, hilak 22, 19:30ean eta 22:00etan, igandean, hilak 23, 19:30ean eta astelehenean, hilak 24, 19:00etan eta 21:00etan

Bestalde, azaroaren 23an, igandea, 17:00etan, egingo da Kantuan Dantzan izeneko Gazte Abesbatzen Topaketa, non parte-hartzaileek beren errepertorioa eskainiko duten, eta kantua izango den jardunaldiaren protagonista.

Lazkaoko Udalak herritar guztiak gonbidatzen ditu kultur jarduera hauetan parte hartzera eta kulturaz herrian bertan gozatzera.