•  Emanaldia ostiralean, azaroak14, izango da 19:00etan Arerian, eta bertan ere eskeiniko dira Gaua eta La Princesa Orgullosa filmak, helduei eta haurrei zuzenduta hurrenez hurren.

Aste honetan, Areria izango da berriz ere Lazkaoko jardueren agertokia, helduei zein haurrei zuzendutako kontzertua eta zinema-saioak biltzen dituen kultur proposamenekin.

Azaroaren 14an, 19:00etan, Sustraien Matxinada ikuskizuna izango da. Kontzertu hau Udazkeneko Musika Zikloaren baitan eskainiko da, tradizioa eta modernitatea uztartzen dituen musika ikuskizun garaikidean

Zineari dagokionez, Areriak publiko guztientzako emanaldiak eskainiko ditu. Gaua filma, helduei zuzendua, larunbatean (azaroak 15) 19:30ean eta 22:00etan emango da; igandean (azaroak 16), 19:30ean; eta astelehenean (azaroak 17), 19:00etan eta 21:00etan. Bestalde, La Princesa Orgullosa haurrentzat izango da ikusgai, larunbatean eta igandean arratsaldeko 17:00etan.

Udaletik herritarrei Areriara bertaratzeko gobita luzatzen zaie, aste honetako kultur eskaintzaz gozatzera.