• Lehiaketa Lazkaoko herritarrei eta bertako ikasleei dago zuzenduta. Parte-hartzaileek book trailer formatuan aurkeztu beharko dituzte lanak, eta horietan landu beharko dira azaroaren 25aren harira emakumeen aurkako indarkeria, feminismoa, tratu onak eta elkarbizitza gai nagusi hartuta.

• Lanak, lehiaketaren oinarrietan zehaztutako dokumentazioarekin batera, azaroaren 28ra arte bidali beharko dira posta elektronikoz (Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera) edo Udaletxean bertan entregatuz.

Azaroaren 25a, Emakumeen aurkako Indarkeria Desagerrarazteko Nazioarteko Eguna dela eta, Lazkaoko Udalak 2025eko Sormen Lehiaketaren deialdia jarri du abian. Ekimen honen helburua indarkeria matxistaren inguruan hausnarketa sustatzea da, eta, aldi berean, gizartearen sentsibilizazioa eta kontzientziazioa bultzatzea, bai parte-hartzaileen artean bai herritarren artean oro har. Aurten, parte-hartzaileek book trailer bat aurkeztu beharko dute, hau da, trailer zinematografikoaren antzeko ikus-entzunezko formatu bat, berdintasunarekin lotutako mezuak modu sortzailean adieraziz.

Lehiaketako lanek feminismoa, tratu onak eta elkarbizitza izango dituzte ardatz nagusi. Horrela, lehiaketa Udalak urtean zehar garatzen dituen prebentzio-kanpainen parte izango da, eta, bereziki, azaroaren 25aren bueltan egiten diren jardueren baitan kokatuko da, emakumeen aurkako indarkeria ikusarazi eta salatzeko helburuz.

Lazkaon erroldatuta dauden pertsonek parte hartu ahal izango dute, baita Lazkaoko Ikastolako zein Maizpide Barnetegiko ikasleek ere, banaka edo taldeka. Helduen kasuan, izen-ematea libre izango da; adingabeek, berriz, heldu arduradun bat izan beharko dute. Parte-hartzaile bakoitzak lan bakarra aurkeztu ahal izango du.

Lanak bideo formatuan aurkeztu beharko dira eta, gehienez, bi minutuko iraupena izan beharko dute. Oinarrizko formatua book trailerra izango bada ere, beste adierazpen artistiko batzuk txertatu ahal izango dira, hala nola marrazkiak, dantza, antzerkia edo irakurketa. Lanetan agertzen diren testuak euskaraz egon beharko dira. Ez dira onartuko eduki iraingarririk, kopiarik, ezta beste lehiaketa batzuetan aurkeztutako lanik ere.

Parte hartzeko, bideoak Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbide elektronikora bidali beharko dira, edo Udaletxean bertan entregatu, izen-emate eskaerarekin eta NANaren fotokopiarekin batera —adinekoen kasuan, parte-hartzailearena; adingabeen edo taldeetako kasuan, arduradunarena—. Dokumentazioa osatugabe egonez gero, 10 egun balioduneko epea emango da akatsak zuzentzeko. Lanak aurkezteko epea 2025eko azaroaren 28ra arte egongo da zabalik.

Epaimahaia tokiko mugimendu feministako ordezkari batek, Berdintasun Batzordeko kide batek eta Udaleko gizarte langile batek osatuko dute. Lehiaketak bi kategoria izango ditu: A kategoria 12 urtetik beherakoentzat eta B kategoria 12 urte edo gehiagokoentzat. Bi kategoriatan bi sari banatuko dira; lehen saria 120 euroko bonua izango da eta bigarrena 80 eurokoa, eta biak Lazkaoko saltoki txikietan gastatu ahal izango dira 2026ko urtarrilaren 31ra arte.

Aurkeztutako lanak Lazkaoko Udalaren webgunean argitaratu ahal izango dira eta berdintasunaren inguruko sentsibilizazio-kanpainetan erabili ahal izango dira.

Informazio gehiago nahi dutenek udalaren webgunea kontsulta dezakete edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbide elektronikora idatziz jar daitezke harremanetan.