• Ikastaroa Ainitze Salaren gidaritzapean egingo da, 17:00etatik 20:00etara, Udaletxeko erakusketa aretoan. Izena emateko epea azaroaren 13ra arte egongo da zabalik udaletxean bertan edo udalaren webgunean: www.lazkao.eus.

Lazkaoko Udalak, Berdintasun Arloaren bitartez, herritarrei zuzendutako prestakuntza eta autozaintza guneak bultzatzen jarraitzen du Jabekuntza Eskolaren baitan. Oraingoan, sendabelarren ezagutzari eta erabilerari buruzko bigarren ikastaro bat eskainiko da “Sendabelarrak: Errebotika ukendua ikastaroa” izenburupean. Saioa Ainitze Salak emango du, jakinduria naturalaren eta zaintza tradizionalen arloan aditua dena.

Tailerra datorren azaroaren 19an izango da, 17:00etatik 20:00etara, Lazkaoko Udaletxeko erakusketa aretoan. Ikastaroa euskaraz egingo da eta modu praktikoan landuko da. Bertan, errebotika-ko ukendu tradizional bat egingo da, sendabelarretan oinarritutako propietate sendagarriekin.

Izena emateko epea azaroaren 13ra arte egongo da zabalik, eta interesdunek  eta interesdunek udaletxean bertan edo udalaren webgunean (www.lazkao.eus) eman ahal izango dute izena.

Ikastaro hau Lazkaoko Jabekuntza Eskolaren programazio egonkorraren parte da, eta haren helburua garapen pertsonala, autonomia eta askotariko jakintzak ikuspegi berdinzale eta parte-hartzailean oinarrituta sustatzea da.

Lazkaoko Udalak herritarrei proposamen honetan parte hartzeko gonbita luzatzen die, osasun naturalari buruzko ezagutza erabilgarriak eskaintzeaz gain, topaketarako, ikaskuntzarako eta ahalduntze kolektiborako guneak sustatzen baititu.