• Udalerriko parke eta gune publikoetan, bereziki asteburu eta jaiegunetako arratsalde eta gauetan, gazte talde batzuen portaera desegokien areagotzea ikusita, Lazkaoko Udalak familien eta herritar guztien lankidetza eskatzen du errespetua, ingurunearen erabilera egokia eta auzokideen arteko bizikidetza sustatzeko.

Lazkaoko Udalak udalerriko parke eta espazio publiko batzuen erabilera desegokiarekin lotutako kezka gero eta handiagoa helarazi nahi die herritarrei. Azken hilabeteotan, batez ere asteburuetako eta jaiegunetako arratsalde eta gauetan, auzotarren kexa ugari jaso dira gazte talde batzuen portaera desegoki eta gizalegearen aurkakoengatik.

Portaera desegokien artean daude, besteak beste, zarata egitea, musika bolumen altuan jartzea, grafitiak egitea eta arrautzak, frutak edo harriak inguruko etxebizitzetara botatzea. Halaber, kasu batzuetan, bizilagunak bitartekari lanetan aritu direnean, mespretxuzko erantzunak eta errespetu faltak jaso dituzte.

Egoera horren aurrean, Udalak Lazkaoko herritar guztien ongizatearekin eta bizikidetzarekin duen konpromisoa berresten du. Horregatik, erantzukizun partekaturako deia egiten da, bereziki familiei, etxean espazio komunak eta auzotarrak errespetatzearen garrantziaz hitz egin dezaten.

Udalaren ustez, espazio publikoak elkartzeko eta gozatzeko guneak izan behar dute, elkarrekiko errespetua oinarri dutela betiere. Horrenbestez, herritarrei deia egiten zaie elkarrekin Lazkao herri atsegin, seguru eta elkarrenganako errespetuan oinarritua eraikitzen laguntzeko.