• Sarrerak azaroaren 3ko 12:00etatik aurrera eskuratu ahal izango dira Lazkaoko Udalaren web orrian: www.lazkao.eus.

Datorren abenduaren 27an, ‘Go!azen 12’ kontzertua izango da ikusgai Arerian. Telesailaren aktoreak taula gainean abestuko eta dantzatuko dute, publikoa Basakabiren unibertsoan murgilduz.

Sarrerak azaroaren 3an egongo dira eskuragarri eguerdiko 12:00etatik aurrera Lazkaoko Udalaren webgune ofizialean: www.lazkao.eus. Lehenengo saiorako sarrerak agortzen badira, bigarren saio bat antolatuko da.

Go! azen 12ren denboraldi berrian, Maitanek Basakabin "bigarren aukeren" udaleku bat sortu du, baina ez dio Garaziri bere asmoa jakinarazi. Hori dela eta, kanpamentua arazoak dituzten gaztez betetzen da, eta horrek pertsonaiak eta haien arteko harremanak proban jarriko dituen egoerak sortuko ditu. Halaber, Kuxkuxeroren figura misteriotsuak ikasleei buruzko informazioa zabalduko du sare sozialetan, eta horrek gatazka eta tentsio gehiago ekarriko ditu. 

Udaletik haur zein gazteei bertaratzeko gonbita luzatzen zaie, Basakabiren unibertsoan murgiltzeko eta abesti berriez gozatzeko.