- Bilkura 18:30ean izango da Udaletxeko Areto Nagusian.
Lazkaoko Udalak Ohiko Osoko Bilkura egingo du ostegunean, urriak 30, arratsaldeko 18:30ean, Udaletxeko Osoko Bilkura Aretoan. Saioa herritar guztientzat irekita egongo da.
Osoko Bilkurarako aurreikusitako Gai Zerrenda honako hau da:
- Aurreko aktaren onarpena (2025eko irailaren 25ekoa eta urriaren 16koa).
- Alkatearen Ebazpenen berri ematea.
- Gizarte Zerbitzuen, Berdintasunaren eta Adineko Pertsonen Batzordearen lehendakaritzaren aldi baterako ordezkaritzaren berri ematea.
- Kreditu gehigarri bidezko 7 zenbakidun kreditu aldaketaren espedientearen berri ematea.
- Kreditu gehigarri bidezko 8 zenbakidun kreditu aldaketaren espedientearen onarpena.
- Udal eraikinen garbiketa zerbitzuaren kontratuaren esleipena.
- Taxien hiri-tarifak 2026. urterako.
- Osakidetzaren eskaera, Lazkaoko Euskadi Enparantza 5eko osasun-zentrorako behin-behineko eraikin bat instalatzeko obrak interes bereziko obratzat hartzeko, Eraikuntza, Instalazio eta Obren gaineko Zergan %95eko hobaria aplikatzeari dagokionez.
- Etxeko Laguntza Zerbitzua finantzatzeko, Gipuzkoako Foru Aldundiaren eta Lazkaoko Udalaren arteko hitzarmenaren luzapena.
- EAJ-PNV eta EH Bilduren adierazpena, Azaroak 25eko emakumeen aurkako indarkeria desagerrarazteko nazioarteko eguna dela eta.
- EAJ-PNVren adierazpena, elkarbizitzaren alde eta Ertzaintza eta udaltzaingoen defentsan.
- Galderak eta erreguak.
Herritar guztiak gonbidatuta daude bilkura honetara bertaratzera.
