- Anbulatorio behin-behineko anbulatorioaren instalazioak Mikelar 8 eta Mikelar 12 arteko bidea behin-behinean itxita egotea, oinezkoentzako pasabideak murriztea, aparkalekuak lekuz aldatzea eta ibilgailuen sarbidea mugatzea ekarriko du, etxolak muntatzeko eta lanen segurtasuna bermatzeko.
Osasun Sailak, 2025aren amaieran, Lazkaoko anbulatorioa eraitsi eta berria eraikitzeari ekingo dio, bere azalera hirukoiztuz. Horren aurrean, Osakidetzak behin-behineko anbulatorio bat jarriko du ikastolako kantxan, Mikelar inguruan. Instalakuntza urriaren 28an (asteartea) eta 29an (asteazkena) gauzatuko da.
Egun horietan zehar, asistentzia-gune berria osatuko duten hainbat etxola jarriko dira. Esku-hartze honek inguruneko mugikortasunari zuzenean eragingo dio, eta, beraz, Lazkaoko Udalak lehentasunezkotzat jo du aurreikusitako aldaketen berri ematea eragozpenak gutxitzekoasmoz
Lehenik eta behin, Mikelar 8 eta Mikelar 12 arteko bidea itxita egongo da ibilgailuentzat. Gainera, etxolak garraiatzeko ardura duten kamioiak plazako bidetik sartuko dira, eta horrek oinezkoentzako pasabideak murriztea ekarriko du, oinezkoen eta langileen segurtasuna bermatzeko.
Bestalde, Mikelar 1 eta Mikelar 12 artean dauden aparkaleku guztiak libre geratu beharko dira asteartean, hilak 28, 08:00ak baino lehen. Neurri hori beharrezkoa da makina astunek lan egin ahal izateko eta etxolak zailtasunik gabe mugitu ahal izateko.
Halaber, garabiak Mikelar 8 eta 12 artean kokatuko direla jakinarazi da, eta, beraz, Mikelar 12ko garajeak ezingo dira erabili lanek dirauen duten bitartean. Era beran, Mikelar 6, 7, 8, 9, 10, 11 eta 13 arteko aparkalekuan ez da ibilgairik sartu edo irtengo garabiak martxan dauden bitartean.
Azkenik, Elosegi 3-5eko lurpeko garajeetarako irisgarritasuna bermatzeko, Mikelar 1 eta Mikelar 6 arteko bide-zatiak zirkulazioaren bi noranzkoak izango ditu aldi baterako. Aldaketa hau egoiliarren mugikortasuna lan egunetan bermatzeko ezarriko da.
Lazkaoko Udalak aldez aurretik auzokide guztien ulermena eskertu nahi du, beharrezko jarduera honek sor ditzakeen eragozpenen aurrean. Behin-behineko seinaleei jaramon egitea eta arduradunen jarraibideei jarraitzea gogorarazi da.
