- Kultura eta herri tradizioa uztartzen dituen ospakizun honek ikuskizunak, tailerrak, mozorroak, mozorrotutakoen ibilaldia eta plazan amaierako festa izango ditu. Bertan musika, sua, gaztainak, dantzak eta suzko zezena izango dira protagonista.
- Parte hartu nahi dutenek urriaren 24a baino lehen eman behar dute izena esteka honetan: https://labur.eus/agnbkcmx.
Urriaren 31n, Lazkao festaz eta misterioz beteko da Gau Beltza ospatzeko. Tradizio zaharrak berreskuratu eta belaunaldi berriekin partekatzeko gonbite berezia izango da gau hau. Ekitaldi honek esanahi berezia du, izan ere, gure artean ez daudenak gogoratzeko gaua da, emozioa, errespetua eta umorea lagun dituen elkartasun giroan.
Oin Arin Dantza Taldeak eta San Benito Ikastolak, beste hainbat elkarte eta Udalaren laguntzarekin, adin guztietarako egitaraua prestatu dute arratsalde osoan zehar egingo diren jarduerekin. 16:10ean, Ikastolako ikasleek emanaldia eskainiko dute plazan, ekitaldiari hasiera emateko. Ondoren, 16:30ean, haurrei zuzendutako tailer bat antolatuko da, baita ere plazan.
18:30ean, mozorrotutako herritarrak plazan elkartuko dira, eta handik ibilbide bat egingo dute herriko alde zaharrean barrena. Ibilaldia amaitzean, parte-hartzaileak plazara itzuliko dira ospakizunaren une nagusia bizitzeko: sua piztuko da, eta bertan parte-hartzaileek aurrez idatzitako beldurrak erreko dituzte. Horrez gain, musika, dantza, gaztaina erreak eta suzko zezena egongo dira.
Antolakuntzatik mozorrotuta bertaratzea gomendatzen da, arropa zaharra jantzita eta aurpegia margotuta edo estalita, ospakizunaren giroan erabat murgiltzeko. Era berean,euren beldurrak paperean idatzita ekartzea eskatzen da, ikur sinboliko gisa sutara botatzeko aukera izan dezaten.
Kontuan hartu behar da umeek heldu batekin etorri behar dutela. Halaber, jardueretan parte hartzeko, beharrezkoa da aurrez izena ematea ondorengo estakako formularioaren bidez https://labur.eus/agnbkcmx, urriaren 24rako.
Gau Beltza magia, kultura eta tradizioz betetako gau batez gozatzeko aukera paregabea da, eta antolakuntzako kide guztiek herritar guztiak gonbidatzen dituzte ospakizun honetan parte hartzera.
