• Legealdi erdira arte egindako lanaren balantzea eta aurrera begirako proiektu nagusiak jasotzen ditu aldizkariak. 
• Udalerriko etxe guztietan banatu da dagoeneko, eta formatu digitalean ere eskuragarri dago Udalaren webgunean: https://labur.eus/LazkaoUrria2025

Lazkaoko Udalak Lazkao Aldizkariaren ale berri argitaratu du, legealdiaren lehen erdian egindako lanaren laburpen zabala eta datozen hilabeteetan abiatuko diren proiektu nagusiak jasotzen dituena.

Zenbaki berezi honek jarduera biziko aldi baten balantzea egiten du, eta nabarmendu du Legealdi Planaren bidez aurreikusitako ekintzen %80 baino gehiago dagoeneko martxan daudela: batzuk amaituta eta beste batzuk gauzatze-fase desberdinetan. Era berean, oraindik abiatzeke dauden proiektuak ere zehazten dira.

Aipatutako proiektu nagusien artean daude Joxemiel Barandiaran udal kiroldegiaren bosgarren berritze-fasearen amaiera, anbulategi berriaren obrak hasteko prest egotea, “Txanpiñoia” eraikina kultur eta herritarren ekimenetarako egokitzea, San Jose auzoko irisgarritasuna hobetzeko igogailu publiko berri bat eraikitzea, uholdeak saihesteko lanei jarraipena ematea, argiteria publikoa berritzea eta haur parkeen baldintzak hobetzea.

Aldizkaria udalerriko etxe guztietan banatu da dagoeneko, eta formatu digitalean ere eskuragarri dago Udalaren webgunean: https://labur.eus/LazkaoUrria2025