• Kanpaina bonuak plazan jarriko den karpan izango dira salgai 17:00etatik 19:00etara. Urriaren 24tik aurrera, udaletxean erosi ahal izango dira bulego ordutegian, agortu arte.

• Bonu bakoitzaren prezioa 30 eurokoa izango da, eta 40 euroko balioa izango du, zortzi 5 euroko bonutan banatuta. 

Lazkaoko Udalak “Nik Lazkaon, zuk zergatik ez?”merkatarien udazkeneko erosketa bonoen   kanpainaren edizio berri bat jarri du abian, urriaren 23tik azaroaren 30era. Ekimen honen helburua tokiko merkataritzari laguntzea eta udalerriko establezimenduetan kontsumoa sustatzea da. 

Guztira 2.000 bonu jarriko dira salgai. Bonu bakoitzaren prezioa 30 eurokoa izango da, eta 40 euroko balioa izango du, zortzi 5 euroko bonutan banatuta. Horietatik hiru bonu parte hartzen duten saltoki guztietan balioko dute, eta beste bostak, elikagai saltokiak ez diren guztietan.

Parte hartzen duten saltokiak 59 dira: Ainhoa ileapaindegia; Alaine Albisu; Amets bat; Ana belen ileapaindegia; Ana Cristina Olano; Arakama harategia; Arriaran; Artano arrandegia; Barberia ZAC; Bika; Chaman janaridenda; Peluquería Dama; Digital Izar; Eire ile-apaindegia; Ekilore; Errotaundi; Eskuz Fisioterapia eta Osteopatia; Garaiz; Gazi Gozo; Gerriko; Goitia auoteskola; Golok; Gozokiak Ecu; Gure Galtzerdia; Hiru-txoko kafetegia; Idoia Godoy farmazia; Irizar Anaiak; Fontaneria Gomez; Jauregi elektrizitatea; Jose Antonio Insausti estankoa; Kemen; Kiosko Zelai; Koboloi; Koxkor; Leire sormenetik harago; Lorena arraindegia; Magala; Maitte; M.Karmen Aguado estankoa; Mamufo; Manako; Matias frutadenda; Mikel optika; Nahikiri; Nare estetika; Ogiberri okindegia; Oreka okindegia; Osatu fisioterapia; Pedro Pereiro farmazia; Pello Bidegain harategia; PinKIDS Akademia; Pranaqi; S.tilo ileapaindegia; SM Sport; The Academy; Txindoki Smartphone Solutions; Unaro burdindegia; Xanu; Ziklos Lazkao.

Bonuak urriaren 23an jarriko dira salgai herriko plazan jarriko den karpan, arratsaldeko 17:00etatik 19:00etara. Urriaren 24tik aurrera, udaletxean izango dira salgai bulegoko ordutegian (astelehenetik ostegunera 8:00etatik 17:00etara eta ostiraletan 8:00etatik 15:00etara), agortu arte. Pertsona bakoitzak gehienez hiru bonu erosi ahal izango ditu, eta gehienez hiru pertsonen izenean ere erosi ahal izango dira bonuak, NAN-a aurkeztuta.

Ekimenak helburu du tokiko ekonomia eta merkataritza sustatzea, herritar zein saltokiei mesede eginez, eta Lazkaoko kaleak bizi mantenduz.