• Prozesu honetan parte hartu nahi dutenek izen ematea idatziz aurkeztuztu beharko dute  Lazkaoko Udalean urriaren 23a baino lehen.

Lazkaoko Udalak Bake Epaile titularra eta ordezkoa hautatzeko deialdia argitaratu du Lazkaoko Udalbatzak Bake Epaile titularra eta ordezkoa izendatzeko ahalmena du, dagokion prozeduraren bidez. Izendatutako pertsonek Lazkaoko jurisdikzioaren barruan beteko dituzte beren eginkizunak.

Eskabideak aurkezteko baldintzak

Hautaketa-prozesu honetan parte hartu nahi dutenek deialdiaren eranskinean ezarritako baldintzak bete beharko dituzte. Baldintza nagusien artean, espainiar nazionalitatea izatea, adin nagusitasuna izatea eta funtzio judizialak betetzeko ezintasun fisiko edo psikikorik ez izatea eskatzen dira. Halaber, eskubide zibilak erabat erabiltzea eta engainuzko delituengatik kondenatua ez izatea beharrezkoa da, birgaitze kasuetan izan ezik.

Ez da beharrezkoa titulazio espezifikorik izatea, baina karguaren funtzioak betetzeko gaitasuna  baloratuko da. Gainera, hautagaiek ezin izango dute alderdi politikoekin edo sindikatuekin lotura izan, eta ezin izango dute beren inpartzialtasunari edo independentziari eragin diezaioketen jarduerarik egin.

Karguaren iraupena eta erantzukizunak

Bake Epailearen karguak lau urteko iraupena izango du. Aldi horretan, karguaren mugiezintasuna bermatuko da, legeak aurreikusitako kasuetan izan ezik. Izendatutako pertsonek legezko sistema arabera ordainsaria jasoko dute, eta erantzukizun penal eta zibila izango dute, beren eginkizunak betetzean hutsegiteak edo delituak eginez gero.

Bake Epaileak legez dagozkion gai zibil eta penalez arduratzeko erantzukizuna izango du, baita Erregistro Zibilarekin eta legezko beste eskuduntza batzuekin zerikusia duten eginkizunez arduratzekoa ere. Gainera, udalerrian bizi beharko du, salbu eta Justizia Auzitegi Nagusiak beste udalerri batean bizitzeko baimena ematen badu, eta bere kargua betetzean ezagutzen dituen gertakarien gainean isilpekotasuna gordetzeko konpromisoa hartuko du.

Eskabideak aurkeztea

Eskaerak idatziz aurkeztu beharko dira Lazkaoko Udalean urriaren 23a baino lehen. Prozesuari eta baldintzei buruzko informazio gehigarri guztia Udaleko Idazkaritzan dago eskuragarri, eta bertan edozein zalantza edo kontsulta argitzeko aukera izango da.

Lazkaoko Udalak ezarritako baldintzak betetzen dituzten pertsona guztiei hautaketa-prozesu honetan parte hartzera deia egiten die.