• 2025eko Aurrekontu Partehartzaileen baitan herritarren ekimenez gauzatutako jarduera da, guztira 21.380,70 euroko inbertsioarekin, bizikleten aparkalekuaren babesa hobetzeko helburuarekin.

Lazkaoko Udalak udaletxearen ondoan dagoen bizikleten aparkalekua hobetu du, estalki babesle batez hornituta. Jarduera hau herritarrek 2025eko Aurrekontu Partehartzaileen prozesuan hautatutako proposamenetako baten emaitza da, eta Udalak mugikortasun jasangarriaren eta herritarren parte-hartzearen alde duen konpromisoa berresten du.

Esku-hartzeak 21.380,70 euroko inbertsioa ekarri du guztira (BEZa barne), eta altzairu herdoilgaitzezko egitura bat instalatu da, metakrilatozko plakaz estalia. Hobekuntza horri esker, bizikletak euritik eta eguraldi txarretik babestuta egongo dira, urte osoan zehar erabiltzea erraztuz eta garraio garbiago eta osasungarriagoa sustatuz.