• 10.896 € + BEZeko aurrekontuarekin eta 2025eko aurrekontu parte-hartzaileetan herritarrek gehien bozkatu zuten proposamenetako bat izanik, Hariztiko parkeko jolasgunea hobetu da kautxuzko zorua jarrita, udalerriko haurrentzat segurtasun handiagoa eskainiz.

Lazkaoko Udalak lau zabu berri jarri ditu Hariztiko parkean, 2025eko aurrekontu parte-hartzaileetan gehien bozkatu zen proposamena egikarituz.

10.896 € + BEZeko inbertsioarekin, parke honetako jolasgunea hobetu da kautxuzko zorua eta %100 birziklatutako materialez egindako zabu berriekin, haur eta gaztetxoentzat seguruagoa eta irisgarriagoa bihurtuz.

Zabuen egitura material birziklatuekin eginda dago, eta eserlekuak zein kateak altzairu herdoilgaitzezkoak dira, segurtasun-ziurtagiriarekin. Kautxuzko zorua gainera, erorketen arriskua murrizteko diseinatuta dago.

Egindako berrikuntzak Udalaren jasangarritasunarekiko eta espazio publiko inklusiboen aldeko konpromisoa berretsi du. Gainera, proiektu hau Lazkaoko bizilagunen parte-hartze aktiboaren emaitza da, Hariztiko parkea guztiontzako leku hobeago bihurtzeko bidean.