Atzo, ekainak 10, Gipuzkoako Foru Gobernuaren Kontseiluak bere bilera egin zuen Goierriko Berrikuntza Gunean, legealdi honetan egiten ari diren saio ibiltarien esparruan. Bilera horien helburua jarduera instituzionala Gipuzkoako udalerri eta eskualdeetara hurbiltzea, horien beharrak eta erronkak ezagutzea, eta erakundeen eta herritarren arteko lankidetza indartzea da.

Jardunaldian, Eider Mendoza Diputatu Nagusiak, Foru Gobernuko gainerako kideekin batera, lan bilerak egin dzituen lurraldeko hainbat erakunderekin, hala nola Goierriko Herrien Ekintza fundazioarekin, Goierri Eskolarekin eta Goiturekin, baita Lortek zentro teknologikoko arduradunekin ere.

Jardunaldiaren amaieran, Eider Mendoza, Lazkaoko Joxemiel Barandiaran Udal Kiroldegiko obrak bisitatu zituen. Kepa Zubiarrain Lazkaoko alkateak bisitariei lagundu zuen, eta azpimarratu zuen obrak aurreikusitakoaren arabera egiten ari direla aurrera, irailerako programatutako kiroldegiaren erabateko irekierarekin, ikasturte berriaren hasierarekin batera.