• Euskaraldiaren Batzordeak eskertzen dugu, herritarrek eta entitateek euskara sustatzeko hartu duzuen konpromisoa.

Duela egun gutxi amaitu da 2025eko Euskaraldia, laugarren edizioa eta Lazkaon ere bat egin dugu. Herriko parte-hartzea ona izan da aurreko edizioetan izan den bezala. 

Aurten, 85 entitatek hartu dute parte (aurreko edizioekiko hazkunde handia), eta 754 herritarrek norbanako gisa egin dute bat ekimenarekin, euskararen erabilera sustatzeko helburuarekin.

Lazkaoko Euskaraldi Batzordeak eskerrak eman nahi dizue parte hartu duzuen guztiei, konpromisoari eta euskarari emandako ikusgarritasunari esker, herrian giro euskaldunagoa sortzea posible egin dezutelako. Euskaraldiaren helburua hizkuntza ohituretan eragitea izanik, egindako ekarpena oso baliotsua izan da herritarren arteko euskararen erabilera indartzeko.

Batzordeak adierazten dugu aurrera begira erronka berriak ditugula: batetik, Euskaraldiaren hurrengo edizioetan parte-hartzea areagotzea, eta bestetik, urte osoko jardunean euskararen inguruko lanketa sendoagoa egitea, herritarrekin elkarlanean. Horretarako, herriko eragile, norbanako eta entitate guztiak animatu nahi ditugu datozen hilabeteetan batzordearekin bat egitera eta euskararen aldeko urrats berriak elkarrekin ematea.

Herritarrak gonbidatzen ditugu eguneroko bizitzan euskara erabiltzen jarraitzea eta sustatzea, hizkuntza bizirik mantentzeko giltzarri delako.