• Udalak baieztatu duenez, Aitziber Garmendia eta Jon Plazaola protagonistak dituen emanaldia 19:00etan hasiko da, nahiz eta sarreretan 18:30 agertzen den.

Datorren Igandean, maiatzak 18, Areriak Arizona antzezlanaren emanaldia hartuko du. Antzezlan honek mugak, migrazioa eta gizatasuna jorratzen ditu, ikuspegi tragikomiko baten bidez. Aitziber Garmendia eta Jon Plazaola protagonista dituen emanaldia 19:00etan hasiko da, Udalak baieztatu duenez, nahiz eta sarreretan 18:30 agertzen den.

Juan Carlos Rubiok idatzitako lanak George eta Margaret-en istorioa kontatzen du. Bi pertsonaia hauek beren mugak defendatzen dituzte, zeharkatu nahi dituzten bizilagunen aurrean. Hasieran komedia musikal bat dena, tragedia bortitz bihurtzen da Margaret egoeraren inguruko zalantzak izaten hasten denean.

“Arizona” ez da soilik Estatu Batuen eta Mexikoren arteko mugan kokatzen; gure hirietako mugak hala nola, Ceutan edo Melillan, eta bizitza hobe baten bila doazen askori eragozten dieten oztopoei buruz ere hausnartzera gonbidatzen gaitu.

Antzezlanak migrazioaz, komunikazio ezaz, manipulazioaz eta gizatasunaren egoeraz hausnarketa sakona eskaintzen du, sinbolismoz eta kritika sozialaz betetako istorio sinple baten bidez.

Sarrerak  www.lazkao.eus webgunean edo Areriako leihatilan erosi daitezke.