• Guztira sei bihotz-babesgailu daude dagoeneko udalerriko gune estrategikoetan kokatuta, herritarren osasuna eta segurtasuna bermatzeko.

Lazkaoko Udalak herritarren osasuna eta segurtasuna zaintzeko konpromisoan aurrera jarraitzen du. Oraingo honetan, bi desfibriladore berri jarri dira udalerrian: bata Lazkaomendiko Lartxai Elkartean eta bestea Hirigoien kalean, haur parkearen aurrean, herrian “Txanpiñoi eraikina” izenez ezagutzen den lekuan.

Gailu berri hauekin, guztira sei desfibriladore daude Lazkaon, estrategikoki kokatutako guneetan. Orain jarritakoei honako hauek gehitzen zaizkie: Joxemiel Barandiaran Udal Kiroldegian, Harizti futbol zelaian, Arerian eta Udaletxeko eraikinean daudenak. Horrela, herritarren osasuna eta segurtasuna bermatzeko sare zabalago bat osatzen da.

Desfibriladoreen sare honek bihotzeko larrialdien aurrean Lazkaoko herritarrei erantzun azkar eta eraginkorra emateko gaitasuna sendotzen du.