• Amalur Elkarteak mendi-irteera berri bat antolatu du Lazkaotik Santa Marina gailurrera, Iruaitzeta haitzaren bisita eta Urdiainetik jaitsiera barne.

• Interesdunek izena eman beharko dute apirilaren 4a, ostirala, baino lehen, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera mezu bat bidaliz edo 679 83 68 33 telefonora deituz.

Amalur Elkarteak herritar guztientzat irekia izango den mendi-irteera antolatu du datorren iganderako, apirilak 6, Urbasa mendilerroko Santa Marina gailurrera. Naturaz eta mendi-jardunaldi batez konpainia onean gozatzeko.

Irteera goizeko 8:00etan izango da, Itzala tabernatik. Handik, autoz Iturmendira (Nafarroa) abiatuko da. Bertatik hasiko da oinezko ibilbidea: 12 kilometro ingurukoa eta 600 metroko desnibelarekin. Ibilbidean zehar, Iruaitzeta izeneko haitz ikusgarria bisitatuko da eta handik Santa Marinara igoko da, 1.068 metroko garaieran dagoen gailurrera. Bertan ermita bat eta bi aterpe daude.

Jaitsiera Urdiain aldetik egingo da, eta handik Iturmendira itzuliko da. Lazkaora buelta eguerdiko 13:15ak aldera aurreikusten da.

Jarduera herritar guztiei dago zuzenduta, eta parte hartu nahi dutenek izena eman beharko dute apirilaren 4a, ostirala, baino lehen. Horretarako, mezu bat bidali beharko da Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera edo 679 83 68 33 zenbakira deitu.

Antolatzaileek herritarrei mendi-irteera berri honetan parte hartzeko gonbitze luzatzen die.