- Lazkaoko kultur programazioa LABURBIRA euskarazko laburmetraien proiekzioarekin hasiko da.
Gaur, martxoak 25 asteartea, LABURBIRAk, euskarazko film laburren zirkuitua, Lazkaoko kultur programazioari hasiera emango dio, 21:00etan Areria Kultur Gunean. Zirkuituaren hogeita bigarren edizioako saioak zortzi film laburren eskainikoditu, eta ondoren irekia izango den hitzaldia. Sarrerak 2 euroko prezio sinbolikoa izango du.
Bihar, martxoak 26, asteazkena, lazkaotarrek Lazkaoko Beneditarren Fundaziora bisita gidatua egiteko aukera izango dute, 18:00etatik 20:00etara. Interesatuek aldez aurretik izena eman behar dute 943 888 781 telefonora deituz edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. mezu elektroniko bat bidaliz.
Bizikidetza eta kultura-aniztasuna sustatzeko helburuarekin, martxoaren 27an, osteguna, 15:00etan, bilera ireki bat egingo da Kulturartekotasun Jaialdiaren bigarren edizioa antolatzeko, eta ekimen horretan parte hartu nahi duten guztiek parte hartu ahal izango dute.
Haurrentzat, Maite Francorekin ipuin kontaketa saioa egingo da Lazkaoko Udal Liburutegian martxoaren 28an, ostirala, 16:30ean. Aforoa betetzen bada, bigarren saio bat eskainiko da 17:15ean. Izen emateak liburutegian bertan edo 943 086 845 telefonora deituz egin daitezke.
Ostiralarekin jarraituz, 18:00etan, “Hurbileko Magia” ikuskizuna aurkeztuko da herriko frontoian. Jarduera hau Euskaraldia 2025 programaren parte da, eta familian gozatzeko pentsatuta dago.
Zinemak ere leku nabarmena izango du programazioan, bi proposamenekin. Lehenengoa “Los Aitas” filma eskainiko da Areria Aretoan, honako saioetan: ostiralean, hilak 28, 19:30ean; larunbatean, hilak 29, 19:30ean eta 22:00etan; igandean, hilak 30, 19:30ean; eta astelehenean, hilak 31, 19:30ean Ikuslearen egunarekin bat eginez. Bigarren proposamena “El día que la Tierra explotó: Looney Tunes” izenburupean haurrei zuzenduta dago eta Areria Aretoan emango da martxoaren 29an, larunbata, eta 30ean, igandea, 17:00etan.
Lazkaoko Udalak herritarrak animatzen ditu, denontzako pentsatutako programazio honetan parte hartzera eta gozatzera.
