Martxoaren 8rako Adierazpena Beijingo Adierazpenaren eta Ekintza  Plataformaren 30. urteurrena; hiru hamarkada  berdintasunaren bidean

Gaur, 2025eko martxoaren 8a, Emakumeen Nazioarteko  Eguna dela eta, Beijingo Adierazpena eta Ekintza  Plataforma adopzioaren 30. urteurreneko  ospakizunarekin bat egin nahi dugu. 1995ean Beijingen  egin zen Emakumeari buruzko IV. Mundu Konferentzian  adostutako akordioek genero-berdintasuna, emakume  eta neska guztien ahalduntzea eta giza eskubideak  gauzatzeko munduko ibilbide-orria abian jarri zuten. 

Ibilitako azken 3 hamarkadetan aurrerapauso  garrantzitsuak eman dira, baina bilakaera desorekatua  izan da eta oraindik munduko herrialde bakar batek ere  ez du lortu emakumeen eta gizonen arteko genero berdintasuna.  

30. urteurren horrek konpromisoak eta borondateak  berritzeko aukera ematen digu, Beijingen adostutako  berdintasunaren helburuak lortzeko, beharrezkoak diren  baliabideak bideratuz, erronkei eta oraindik dirauten  oztopoei aurre egiteko. 

Euskal erakundeek eta, bereziki, tokiko gobernuek, 30  urte hauetan metatutako ebidentzia dute, eta horrek  agenda feminista globalean oinarritutako berdintasun politiken bermatu eta legitimatu egin du. 

Bukatzeko, Lazkaoko herritarrei dei egiten diegu  Martxoaren 8aren bueltan antolatu diren ekintza eta  aldarrikapenetan parte hartzera.