- Familia-kontziliazioa errazteko pentsatutako ekimena, haurrentzako jarduera eta tailerrekin, giro ludiko batean.
- Izena emateko epea 2024ko abenduaren 1era arte egongo da zabalik. EMAN IZENA
Gabonetako oporrak gertu daudenez eta herriko familien kontziliazioa errazteko asmoz, Lazkaoko Udalak herriko ikasleentzako Aisialdi Zerbitzua irekiko duela iragarri du. Zerbitzu hau Arerian emango da. Bertan, parte hartzaileek aisialdirako eta ingurune ludiko batean garatzeko pentsatutako jarduera eta tailerrez gozatu ahal izango dute.
Aisialdiko zerbitzua 2024ko abenduaren 26, 27 eta 30ean eta 2025eko urtarrilaren 2 eta 3an egongo da eskuragarri, 10: 00etatik 13: 00etara. Eskolaurreko 3. mailatik Lehen Hezkuntzako 6. mailara bitarteko haurrek eman ahal izango dute izena, hau da, 2013 eta 2021 urteen artean jaiotakoek. 70 plaza arteko edukierarekin, zerbitzuaren kostua 19,20 €-koa da, eta kontu korronte bidez kobratuko da.
Izena emateko, familiek Lazkaoko Udalaren web orri ofizialean (www.lazkao.eus) dagoen formularioa bete ahal izango dute edo udal kiroldegian eman. Izena emateko epea zabalik egongo da 2024ko azaroaren 18tik abenduaren 1era.
Lazkaoko Udalak interesa duten familiak Gabonetako programa honetan izena ematera animatzen ditu, oporraldian kalitatezko aisialdirako aukera bat eskaintzeko.
