• Izen emateko epea azaroaren 17an zabalduko da eta bi eratara egin ahal izango da: lazkao.eus-en (https://forms.gle/W7uRXrmEC92np9rf8) edota Kiroldegian inprimakia betez. 

2022ko Gabonak iristear dira eta seme-alabek oporraldia izango dutela kontuan hartuta, Lazkaoko Udalak aisialdi zerbitzua jarriko du martxan egun horietarako. Bertan haurrek ondo pasatzeko eta helburu hezitzaile batekin, jolas giroan, hainbat jarduera, tailer eta ekintza izango ditu aukeran, modu seguru batean. 

Abenduak 26, 27, 28, 29, 30 eta urtarrilak 2, 3 eta 4an eskainiko da goizeko 10:00etatik 13:00era. Areria Kultur Gunean emango da eta Haur Hezkuntzako 3. maila eta Lehen Hezkuntzako 6. maila arteko ikasleentzako dago eskura. 70 haurrentzako plaza egongo da eta 30 € eurokoa da kuota ikasleko. 

Izen emateko epea azaroaren 17an zabalduko da, 30a bitarte, eta bi eratara egin ahal izango da: www.lazkao.eus -en (https://forms.gle/W7uRXrmEC92np9rf8) edota Kiroldegian inprimakia betez.