• Tailerra 18:30ean hasiko da Lazkaoko Gerriko Txokoan.

• Zinemari dagokionez, ‘La última pelikula’ eta ‘Orkestra lurtarra’ pelikulak eskainiko dira Arerian. Sarrera guztiak www.lazkao.eus webgunean eta Areriako leihatilan daude salgai.

Oreka okindegiko Julen Irurzun okinak ogiaren inguruko tailerra eskainiko du Lazkaoko Gerriko Txokoan datorren astelehenean, maiatzak 16. Tailerrean irin klaseak, orantza, labea eta hainbat gaiez inguruan hitz egingo da. Sarrera librea izango da, eta 18:30ean hasiko da.

Bestalde, zinemak programazio berria dauka aste honetarako; kasu honetan, bi pelikula egongo dira ikusgai Areria Aretoan:

• ‘La última película’ pelikula proiektatuko da hurrengo egunetan: larunbata 14 (19:30 eta 22:00), igandea 115 (19:30) eta astelehena 16 (21:00, Ikuslearen Eguna). Sinopsiak honela dio: Samay 9 urteko mutikoa bere familiarekin bizi da Indiako urrutiko herri batean, eta lehen aldiz zinemaz jabetuko da eta erabat hipnotizatuta geratuko da. Aitaren nahien aurka, egunez egun itzultzen da zinemara, eta proiekzionistaren lagun egiten da, zeinak, bazkariaren truke, filmak doan ikusten uzten dion. Berehala konturatzen da istorioak argi bihurtzen direla, argia filmetan eta filmak ametsetan. Samayk eta bere lagun talde urduriak zerua eta lurra mugitzen dituzte argia hartu eta proiektatzeko, 35 mm-ko filmak proiektatzeko. Elkarrekin, trikimailu berritzaile bat erabiltzen dute, eta arrakastaz lortzen dute proiekzio-aparatu bat egitea.

• Orkestra lurtarra pelikula proiektatuko da hurrengo egunetan: larunbata 14 (17:00) eta igandea 15 (17:00). Sinopsiak honela dio: Harkaitz Canosen izen bereko eleberriaren egokitzapena da, filmaren gidoian ere parte hartu duena. Lurreko orkestrak Manuken historia eta orkestra bat osatzeko desioak aurkezten ditu. Horretarako, laguntza bilatu beharko du bere lagun zoro batzuengan.

Sarrera guztiak www.lazkao.eus webgunean eta Areriako leihatilan daude salgai.