Albisteak
Uztaila eta abuztua oso oparoak izan dira aurten ere turismoari dagokionez. Goitur Goierriko Turismo Agentziak eman dituen datuen arabera, gora egin du bisitari kopuruak, eta iaz lortutako errekorra gainditu egin da aurten.
Ur jolas arkeologikoak egingo dira abuztuaren 5ean Joxemiel Barandiaran kiroldegiko kanpoko igerilekuan. Hondoratutako itsasontzi baten aztarnak irudikatuko dituzte, eta haurrak itsasontzi horren arrastoen artean murgildu ahal izango dira. Jolas honen bidez, ur azpian aritzen diren arkeologoen lana ezagutu ahal izango dute gaztetxoek. Buzeatuz itsasontzian gordetzen diren altxorrak bilatu beharko dituzte.
Honako ordutegia izango dute udal zerbitzuek abuztuan zehar:
“Euskadiko Bihotza” markapean bi eskualdeen gida turistikoa eta udako agenda bateratua aurkeztu dituzte Goiturrek eta Tolosaldea Garatzen agentziak. Itxura berria eman diote, gainera, liburuxkari.
Gida turistiko berri honek bi eskualdeetako produktu turistikoak biltzen ditu. Gidaren hasierako mapan markaturik azaltzen dira bide berdeak, bidegorriak, informazio bulegoak, Erdi Aroko Multzoak edo alde zaharrak, merkatuak, Santiagoko Bidea eta alojamendu mota desberdinak. Barruko orrietan esperientzia gastronomikoak, eta naturan oinarriturikoak eta kulturalak azaltzen dira.
Datorren astean hasiko dira Mikelar inguruko berritze lanak. Espaloia zabalduko da, eta 1 zenbakiko atariaren parean aparkaleku gune bat egokituko da. Lanen aurrekontua 117.038 euroko da.
Herriko guneak doitzeko eta herriaren garapena bultzatzeko Lazkaoko Udala herriko hainbat gunetan egiten den egitasmoen barruan sartzen dira Mikelar eremuko lanak ere.
Edukiontzi horiak aldatu egingo ditu Sasietak datozen egunetan. Edukiera handiagoa duten edukiontziak jarriko ditu, herriko birziklapen gune guztietan.
San Inazioko urbanizazioa berritzeko lanak datorren astean hasiko dira. San Inazio barrualdeko oinezkoen ibilbideak, eta Antzalde aldera ematen duen espaloia berrituko dira. Ur hornidura sarea ere berrituko da.
Ostiral honetan egingo da zinema kalean egitasmoaren saioa. Bi film ikusteko aukera egongo da, bat haurrei zuzendutakoa eta bestea helduei. Haurren kasuan "Tom Txiki" izango da ikusi ahalko den pelikula, eta helduei zuzendutakoa "Que Dios nos perdone" izango da. Bi emanaldiak Lazkao Txiki plazan izango dira. Haurren emanaldia 19:30ean izango da eta helduena 22:00etan hasiko da.
Bihar zen egitekoa Zinema Kalean saioaren lehen emanaldia Lazkao Txiki plazan, baina eguraldi txarra dago iragarrita eta atzeratu egingo da. Data berria zehaztutakoan jakinaraziko da berriro.
Goieki Goierriko garapen agentziak urtero antolatzen duen Enpresa Ekimen Berrien sariketa egin du Beasainen. Lehiaketak 20 urte daramatza martxan, eta helburua da eskualdeko enpresek eta sustatzaileek izan ditzaketen ideiak azaleratzea eta enpresa bihurtzeko tresna bat izatea. Helburu honi gehitzen zaio eskualdean enplegua eta aberastasuna sustatzeko Goiekik duen nahia eta ardura.
Kiroldegiko eta etxez etxeko laguntza zerbitzuak kudeatzeko egindako lehiaketako ebazpenak onartu ditu Lazkaoko Udalak, herenegun egindako osoko bilkuran. Hala, etxez etxeko zerbitzua Eulen enpresari esleitzea erabaki da, eta kiroldegiko zerbitzua GKT Goierriko Kirol Zerbitzuak enpresari. Bi kasuetan bi urterako esleipena izango da, beste bi urte luzatzeko aukerarekin.
Lazkaoko San Prudentzio kaleko 15 eta 23 zenbakien artean egin behar diren lanak finantzatuko ditu Gipuzkoako Foru Aldundiak, udalarekin zehaztutako hitzarmen bat tarteko. Lazkaoko Udalak ingurua berritzeko hainbat lan egingo ditu, kaleari izaera urbanoagoa eman eta oinezkoek lehentasuna izan dezaten.
Ondasun Higiezinen Zerga ordaintzeko azken eguna, ostirala, ekainak 30, izango da. Bestalde, jakinarazi, ordainketa helbideratuta dutenei ere ostiralean egingo zaiela kobraketa.
Lazkaoko Udalak Osoko Bilkura egingo du bihar, asteartea, 19:00etan, udaletxeko areto nagusian. Honakoa da gai zerrenda:
Gaurtik aurrera udako ordutegian egongo da irekita liburutegia: 10:00etatik 13:00etara bitartean.
Auto-enplegua eta ekintzailetza sustatzeko jardunaldi bat antolatu du Lazkako Udalak, Goieki Goierriko Garapen Agentziarekin eta Lanbiderekin elkarlanean. Jardunaldia ekainaren 29an izango da, udaletxean, eta Iragest Cogerencia enpresako Ignacio Ruíz de Alegría enpresa kudeaketan adituak emango ditu azalpenak. Enpresa berri bat sortzeko bidean kontuan izan beharreko alderdiak zein diren eta zein pauso eman behar diren azalduko du. 09:00etan hasiko da eta 3-4 ordu arteko iraupena izango du.
Gurutzeko urbanizazioa berritzeko lanak, berriz, astelehenean hasiko dira. Azaleko urbanizazioa berritu, eta egun irisgarritasun, argiztapen eta bestelako beharrei erantzuna emateaz gain, lur azpiko azpiegiturak ere berrituko dira: argiteria sarea, ur sarea eta saneamendu sarea, besteak beste.
Areso 24 eta 26 atarien artean erreka aldera dagoen espaloia berritzeko lanak asteartean hasiko dira. Lurzorua hondoratuta dago eremu horretan, eta lan hauen bidez gainerako elementuen parean jarriko da, kota guztiak berdinduta. Lanen aurrekontua 29.964,55 eurokoa izango da eta Sasoi eraikuntzak enpresak egingo ditu.
Gipuzkoako Merkataritza Federazioak, Gipuzkoako Foru Aldundiaren laguntzarekin, Singular Dendak izeneko egitasmoa jarri du martxan lurraldean, eta gaur, Lazkaoko merkatariekin bildu da, abian jarri duen proiektuaren berri emateko. Lazkaoko Udalak hiru hilean behin egiten duen Merkataritza Mahaia gaur bildu dela aprobetxatu dute egitasmoa aurkezteko.
San Joan bezpera eguna da ostirala, eta ohiko suaz gain, aurten lehen aldiz buruhandiak ere egongo dira. 19:00etan irtengo dira plazara herriko buruhandiak, eta gauean, 22:00etatik aurrera hasiko dira sua pizten.
LazkaON elkarteak, udalaren laguntzarekin, Udako Azoka egin zuen ostiralean plazako pilotalekuan. Guztira, elkarteko zazpi dendak parte hartu zuen ekintzan, eta jende ugari gerturatu zen salgaiak ikustera eta erostera. Haurrentzako ekintzak eta Nogen taldearen kontzertua ere antolatu zituzten azokaren barruan. Miszelania, Momo eta bere estalkiak, Koboloi, Amets Bat, Arriaran, Manako eta Gerriko liburu denda izan ziren azokan parte hartu zuten dendak.